DUMILIM ang mukha ni Dylux nang sabihin ko iyon. Kita ko ang paggalaw ng muscles sa kanyang panga na tila nagpipigil sa kung anong bagay ang maaring maganap.
“Did I hear it right? Umaayaw ka na?” Pag-uulit nito. Sumpong ang kunot sa noo nito.
Malinaw at malakas ko iyong sinabi kaya alam ko'ng narinig niya iyon. “Ayoko na. Tigilan na natin ang kahibangan na nangyayari sa pagitan nating dalawa. Kakalimutan ko'ng nakilala kita, at kalilimutan mo rin ako. Tutal ay nawala na sa akin ang bagay na hinahabol habol mo. Nawalan ako ng anak. Gano'n ka rin. Malinaw na ba sayo ang sinasabi ko?” Matapang kong saad. Paninindigan ko ang desisyon na to kahit pa mahal ko siya.
Gigil niyang binasa ang labi gamit ang dila pagkatapos ay kinagat iyon at umiling. Ngumisi at nanliit ang mata na parang gusto a
