MAPUNO at malamig ang simoy nang hangin pagbaba namin sa sasakyan. Halos ilang oras din ang biyahe namin papunta rito sa San Jose Del Monte Bulacan. Ngayon ko lamang din nalaman na may kamag-anak pala dito si Piyang. Hindi naman kasi niya naki-kwento. Ang sabi lamang niya ay malayong kamag-anak ng mga ito ang tiyuhin na tutuluyan namin pansamantala.
Buhat-buhat ko si Twinkle at sa laki ng anak ko'ng ito, halos manakit ang balakang ko sa bigat nito. Tulog na tulog ito. Marahil ay pagod din sa biyahe. Dalawang beses kaming nag-stop over sa mga fast food restaurant para kumain at umihi. Hindi talaga sanay ang anak ko sa biyahe.
“Heina, mauna muna ako sa loob para makausap ang tiyuhin ko. Hindi pa kasi niya alam na darating tayo ngayon. Dito lang kayo," paunang sabi ni Piyang at saka nagla
