POV ni Ashanti
Tahimik ang silid habang pinapanood ni Ashanti ang CCTV feed nina Aiden at Lyka. Malamig ang tingin niya sa screen, pero sa loob-loob niya ay kumukulo ang damdamin.
“Hayop ka, Aiden…” mahina niyang bulong, nanginginig ang boses. “Akala ko galit ka sa pamilya De Vera. Akala ko pareho tayo — na gusto mo silang pabagsakin. Pero ikaw pa ang bumitaw.”
Lumapit siya sa screen, halos idikit ang mukha niya sa monitor, para bang kaya niyang abutin si Aiden mula rito.
“Dahil lang sa babaeng ‘yan,” madiin niyang sabi. “Dahil lang kay Lyka, nakalimutan mo na ang lahat ng ipinangako mo sa pamilya mo. Nakalimutan mo na kung paano nila winasak ang pamilya mo. Nakalimutan mo na… ako.”
Mabilis siyang napangiti, pero hindi iyon ngiti ng saya,ngiti iyon ng taong nasasaktan pero determinado
