Chapter 38
“Hello, Rash?” pagsasalita ni Aldous habang nasa kanang tainga niya ang kaniyang cellphone. Nakaupo pa rin naman siya sa upuan ngunit ang kaniyang atensyon ay nasa tao na nasa kabilang linya.
Tila nagkakagulo na silang lahat habang ako naman ay nananatili pa rin na nakaupo sa aking upuan. Si Godwin ay nandito pa rin naman sa harapan ko at parang walang pakialam sa paligid niya. Si Kendrick ay lumipat na ng upuan sa tabi ni Dysea. Si Onyx na kanina pa walang imik ay namataan ko na nasa akin na ang paningin.
Bubuka na sana ang bibig ni Onyx ngunit nagsalita si Dysea kung kaya’t nabitin sa ere ang mga sasabihin ni Onyx. Napunta kay Dysea ang paningin ko.
“Puwede bang manahimik kayo? Galaw kayo nang galaw, eh! Ako ang nahihilo sa inyo,” pagpapatigil ni Dysea sa kanila. Umayos si
