Honey’s POV
Kasalukuyan akong nakatanaw sa bintana nina Kael matapos kong madaraanan ang bahay nila. Napabuntong hininga na lamang ako saka nagpatuloy sa paglalakad. Sa totoo lang ay hindi ko alam kung bakit nandito pa ako. Alam ko naming hindi na lalabas si Kael ng mga ganitong oras lalo pa’t napakalamig na rin dito sa labas.
Napahawak na lamang ako sa braso ko habang bahagya itong hinihimas sa pagbabakasakaling mawala ang lamig na nararamdaman ko. Napatingin na lamang ako sa suot kong rubber shoes habang nagpatuloy sa paglalakad. Nakasuot lamang ako ng shorts sa pang ibaba habang sando naman sa itaas na tinakpan ng manipis na jacket.
Kung tutuusin ay sandali lang sana ako rito pero hindi ko na namalayan pa ang oras habang tahimik at matiyagang naghihintay na may lumabas sa pintuan nin
