Hindi naman na nagtagal ay agad na rin silang umuwi pagkatapos ng trabaho nila sa store. Sabay na naghintay ang dalawa ng tricycle pauwi. Hindi rin naman nagtagal ang dalawa dahil hindi naman kalayuan ang lugar nila sa store.
Habang nasa biyahe ang dalwa ay hindi maiwasang mapatingin ng dalaga sa kaibigan habang dinadama ang malamig na hangin na tumatama sa kaniyang mukha. Kung minsan pa nga ay pasimple na lang siyang ngumingiti sa tuwing nahuhuli siya ng binata na nakatingin rito.
Hindi naman nanghinala sa kaniya ang binata dahil akala nito ay nakatingin lang siya sa labas ng tricycle. Sa katunayan ay halos hindi mabilang ang mga bagay na nasa isip ni Honey sa ngayon. Ngunit isa ang ang alam niya.
Masaya siya. Masaya siyang makasama ang binata sa isang lugar ng halos ilang oras haba
