-=Naya's Point of View=-
Nagpatuloy ang mga araw na nanatiling ganoon ang napapansin ko sa lahat ng tao sa school, pero alang-alang kay Hadley ay tiniis ko ang mga masasakit na salita mula sa ibang tao.
Mas lumala pa iyon nang malaman ng lahat ang pag-drop out ni Dash matapos nitong makalabas ng ospital.
Agad kong tinanong si Hadley kung may kinalaman ito sa pag-drop out ni Dash, ngunit ayon dito ay kusang loob na ginawa iyon ni Dash.
Naniwala naman ako dito, dahil alam kong hindi ito magsisinungaling patungkol sa bagay na iyon, pero kahit ganoon ay hindi pa din mapigilan ang rumor na dahil kay Hadley kaya nawala si Dash.
Hindi ko alam kung kailan at paanong nalaman ng mga tao sa school ang tungkol sa pananakit ni Hadley kay Dash, kung ano-ano na ngang kasinungalingan ang kumakalat pa
