LALONG nagtagis ang bagang ni Ezekiel matapos marinig ang ibinalita sa kaniya ni Bert. Wala na si Karen sa bahay ng mga magulang nito. May isang linggo na raw umalis at ang alam ng mga iyon ay pabalik na sa Dubai dahil dala-dala na ang mga gamit niyon paalis ng bansa.
“Paki-text kung ano ang kailangang gawin para makapagsampa ng warrant of arrest kay Karen sa lugar nila. May tatawagan lang ako. Thanks, Bert.”
“Sige, Sir.”
Matapos ang pag-uusap nila ni Bert ay sinikap naman niyang ma-contact ang COO o Chief Operating Officer ng kompanya na kaniyang pinagtrabahuhan sa Dubai. Confirming kung nakabalik na ng Dubai si Karen.
“She’s not working here anymore, Mr. Ortega.”
“What do you mean?”
“She resigned.”
Sandali siyang natigilan sa ibinalitang iyon sa kaniya ng COO.
“Three weeks ago, s
