“NAPAKAGANDA mong lalo, Ate,” puno ng paghanga ang mga mata ni Jenny habang nakatitig kay Janicah na kasalukuyang suot ang kaniyang traje de boda ng mga sandaling iyon.
Fitting day niya iyon at kasama niya ang dalawa niyang kapatid na babae na muli ring isinukat ang mga gown ng mga ito.
Napangiti si Janicah sa papuring iyon mula sa kaniyang kapatid. “Thank you, Jenny.”
“Wow,” bulalas pa ni Ate Jossa nang makita rin siya na suot ang kaniyang wedding gown.
Hindi niya kasama roon si Ezekiel dahil na rin sa pamahiin ng mga matatanda na bawal raw makita ng groom ang bride nito na suot ang wedding gown hanggat hindi pa ikinakasal.
“Sana all ganiyan kaganda,” dagdag pa ni Ate Jossa. “Kailangan ko talagang mag-extra diet para walang bilbil na umeksena sa araw ng kasal mo.”
“Akala ko, Ate Jos
