GISING na ang diwa ni Janicah ngunit ayaw pa rin niyang imulat ang kaniyang mga mata. Gusto niyang balik-balikan sa kaniyang isipan ang kaniyang napanaginipan nang siya ay makatulog.
Sa panaginip niya, mayroon siyang buhat-buhat na sanggol. Hindi niya mawari kung lalaki ba iyon o babae dahil nakabalot iyon sa kulay puti na tela. Puro puti lang ang nakikita niyang kulay sa kaniyang panaginip. Hindi niya malilimutan ang buhay na buhay na tawa ng baby na hawak niya. Ang mga mata niyon na kay gandang pagmasdan habang nakikipagtitigan din sa kaniya.
Sa bawat pagsasalita niya ay siyang tawa rin niyon na minsan pa ay nauuwi sa hagikhik. Kay lambot din ng munting kamay niyon habang hawak niya.
Para sa kaniya ay isang napakagandang panaginip niyon. Lalo na at never siyang nananaginip ng tungkol
