KAHAHATID lang ni Ezekiel sa kaniyang mga anak sa school, nang sa pagbalik niya sa hacienda ay animo may pagtatalong nagaganap sa labas ng gate ng hacienda. May dalawang guwardiya roon na mahinahon pa ring kinakausap ang isang babaeng nakikipagtalo sa mga ito. Nakatalikod iyon sa kaniya kaya hindi agad niya makilala.
Pagkahinto niya ng sasakyan sa tapat ng gate ay ipinasya muna niyang bumaba sa kaniyang kotse at lapitan ang babaeng naroon.
Kumunot pa ang noo niya nang makita si Chyryll.
“What’s happening here?” aniya nang makalapit sa mga ito.
“Señorito, gusto pong pumasok ni Ma’am sa loob ng hacienda. Gusto raw ho kayong makausap. Ayaw maniwala na wala kayo sa loob,” anang isang guwardiya sa kaniya.
Pormal ang mukha na binalingan niya si Chyryll. “Ano’ng kailangan mo?”
Inayos ni Chy
