DALAWANG buwan ang lumipas, sa paglantad ng kaso niya sa media, kasunod niyon ay nagsilabasan ang iba pang naging biktima ni Jason. Mga babaeng ni-rape din nito, at pamilya ng mga taong pinatay nito dahil sa pera at droga. Dahil doon ay mas tumibay ang kaso nila laban kay Jason Dominguez. Hanggang sa dumating ang kanilang pinakahihintay. Ang araw kung saan babasahin na ng korte ang hatol nito laban kay Jason. Naroon sa loob ng korte si Hiraya, Hari, kasama si Musika at Edward. Si Sam? Mas pinili nitong huwag nang sumama dahil ayaw nitong makita si Jason.
Habang binabasa ang hatol, mahigpit ang pagkakahawak ng kamay ni Hari sa kamay ni Hiraya. Sa bawat segundong lumilipas ay abot-langit ang kanilang kaba. Kipkip sa dibdib ang dalangin na mabigat na kaparusahan ang ipataw dito.
Lumingon
