NANG sabihin ni Hiraya na hinanda nito lahat ng puwede nilang kailanganin para sa buong gabing iyon. He really meant, everything. Gaya ng napag-usapan, nagkasundo silang maligo sa pool na naroon sa yate. Gulat na may kasamang tawa ang naging reaksiyon niya nang makitang may nakahandang swimsuit doon para sa kanya.
Naunang magbihis si Hiraya pagkatapos ay agad itong lumabas para kausapin daw ang mga staff ng yate. Isang plain black two-piece bikini ang kanyang napiling isuot pagkatapos ay tinaas lang niya ang buhok gamit ang hair clamp. Inalis na rin niya ang make-up nang sa gayon ay hindi kumalat iyon kapag lumusong na siya sa pool. Biglang natigilan si Sam nang matitigan ang sariling repleksiyon sa salamin, partikular na sa likuran niya. Hindi siya sigurado kung bagay pa sa kanya ang mag
