Para siyang nakakita ng multo nang makita ako. Siguro kasi ay malaki na ang ipinuti ko noong nag Maynila ako.
Tatlong buwan na rin 'yon at sapat na para pumusyaw ang aking kulay. E, kasi naman isang buwan pa lang ako roon ay nag resign na siya. Ayan tuloy, masyado siyang nagulat sa kagandahan ko.
Nahihiya siguro siyang sabihin na blooming ako ngayon. Maliit na bagay lang naman yon para sa akin. Hindi naman ako magagalit sa kanya. Promise.
Mabilis niyang ibinalik ang tingin sa mga baka. Ipinagpatuloy niya ang pagbubugaw sa mga ito. Nasa mga sampung baka ang tumatawid.
"Huy Kenneth, huwag mo naman karirin iyang pagiging traffic enforcer ng mga baka. Bakit ka ba napadpad dito?" tanong ko habang nakikibugaw na rin. Masyado kasi siyang seryoso at tutok sa mga ito.
"May dinalaw lang ako
