"Anak, mukhang masarap 'yan ah at ang bango pa. Ano ba iyang niluluto mo?" kuryosong tanong ni 'Nay Marlyn. Naisipan kong magluto ng laing. Matagal ko nang gustong kumain nito kaya lang ay walang oras dahil sa dami ng raket na inaatupag ko.
"Laing po, ‘Nay. Tikman niyo." Hinipan ko ang laing na nasa kutsara at ipinatikim sa kanya ito. Nakangiti siya habang ngumunguya.
"Ay, ang sarap. Naku, anak pwede ka nang mag-asawa," biro ni Nanay. Si Nigel lang naman ang gusto kong maging asawa ngunit alam kong imposible iyon.
Dahil wala naman akong pasok ngayon ay napagpasyahan kong dalhan siya ng pagkain. Siguradong magugustuhan niya ito dahil mahilig iyon sa maanghang.
Pagpasok ko pa lang ng lobby area ay namangha na ako. Naghuhumiyaw ito sa ganda at hindi mapagkakailang Revamonte ang may ar
