Maagang nagising si Serena kinabukasan, kahit pa halos hindi siya nakatulog ng maayos. Malamig ang hangin sa veranda ng resort, at sa pagkakahigop niya ng kape, parang mas malamig pa ang alaala ng gabing nagdaan—iyong saglit na nahuli niya ang sarili na tinititigan si Elio habang pinupunasan ang basang sahig sa gilid ng infinity pool.
"Bakit parang ang tahimik mo ngayon?" tanong ni Sabrina, na biglang sumulpot sa tabi niya dala ang dalawang croissant at isang juice box na parang bata. “Hindi ka ba makatulog kagabi?”
Umiling si Serena, pilit ang ngiti. "Maaga lang ako nagising."
“Hindi ka nagising. Hindi ka natulog,” sabat ni Sabrina, sabay upo sa tabi niya. “Nakikita ko 'yan. Tumatambay ka na naman sa balcony ng parang may iniisip na lalaking hindi mo dapat iniisip.”
Nag-init ang tenga
