TWENTY-FIVE
Ilang linggo na simula noong huling makita ko si Lance. Si Martin, madalas umaalis maghapon pero sinisiguro niya namang makakauwi siya bago gumabi. Hindi ko alam kung kailan ulit siya babalik doon sa trabaho niya. Ang tanging alam ko lang ay naka-leave siya ngunit hindi ko alam kung hanggang kailan.
Madalas kong kasama si Macy, pero mas madalas din naman siya sa school. Ayaw akong lumabas ni Martin kaya hindi ko rin siya nasusundo kasi baka raw makasamâ sa pagbubuntis ko. Pero sadyang nakakainip ang manatili sa bahay, lalo na kung wala ka namang ginagawa. Saka masyado nang mabigat ang tiyan ko. Five months to be exact na rin simula noong mabuntis ako.
Pagkaalis ni Macy papuntang school ay sumunod na rin akong umalis ng bahay. Nangako kasi ako kay Lance na magkikita kami. I
