CHAPTER 26
“Anong plano mo?” tanong sa akin ni Dok Kashmine. Nakaupo siya sa tabi ng kama kung saan nakahiga si Joan. Hindi muna ako nakasagot.
Dumating sila ni Dok Bryan habang tulog pa ako ngunit umalis din agad si Dok Bryan para puntahan si Jaywin.
Nakita kong maayos na rin ang kalagayan ni Joan na noon ay nakahiga pa rin at nagpapahinga.
Umupo ako at humarap kay Dok Kashmine. Tatlo kaming mga asawa ng mga magpipinsan ang magkakaharap. Nalulungkot sa sinapit ng lolo ng aming mga asawa. Kapatid ng talagang lolo nina Bryan at Jaywin ang lolo ni Jyles ngunit ang lolo ni Jyles ang halos nagpalaki na at nagpaaral sa kanila kaya malapit na rin ang loob nila sa matanda.
“Okey ka lang ba? Mukha kasing pagod na pagod ka pa.”
“Okey lang ako. Kahit pagod na pagod pa, mukhang wala pa akon
