Napahawak ako sa aking ulo nang bigla itong sumakit. Ayoko pa sanang gumising pero nararamdaman ko na ang init na pumapaso sa balat ko. Ilang ulit ko pang hinimas ang aking sintido bago tuluyang nagdilat ng mata.
Ipinagtataka ko ang pagbungad ng bughaw na langit sa aking paningin. Agad kong inilibot ang paningin para lamang mas lalong magulat dahil pare-pareho kaming nasa ilalim ng langit natulog, walang silong o kumot man lang.
Nang tuluyang makabangon ay malakas akong napatawa dahil sa nakita ko. Nasa isang tabi ang mga lata ng beer na ininom kagabi, ang mga plastik ng junkfoods ay nakaipon rin sa gilid nito. Malinis pa rin pala ang mga to kahit lasing na.
Mas lalo akong napatawa nang makitang mas nagkalat pa ang kaklase ko kaysa sa mga kalat namin kagabi. Agad akong tumakbo sa direk
