"Magpark lang ako. Mauna ka na sa loob." Tinanguan ko si Lucas matapos nyang magsalita. Agad kong binuksan ang pinto ng passenger seat at saka lumabas ng sasakyan.
Isang linggo na rin ang nakalipas simula nang mangyari iyong surprise nya sa coffee shop. Sa loob ng isang linggo na iyon ay halos hindi na rin sya umaalis sa tabi ko. Minsan nga ay ako na ang umiiwas sa kanya dahil nahihiya na ako sa patuloy na pang-aasar ng mga kaklase namin. Maski ang mga Propesor namin ay nahahalata na rin ang paglapit nya ng paglapit sa akin.
Nakakatuwa rin naman dahil talagang bumisita pa sya sa bahay para muling kausapin si Papa noong araw ding iyon. Hindi ko malaman kung saan sya kumukuha ng lakas ng loob pero nakakataba ng puso iyong ginawa nya. Hindi lamang respeto para sa akin ang ipinapakita nya, k
