Maituturing kong isa sa pinaka mahabang araw ng aking buhay ang pamamalagi sa beach festival. Buong pagkatao ko ay pagod kaya naman maging si Edgardo ay hindi nakatiis na mag tanong kung ano ang aking problema. Nakakapanibago man dahil wala naman siyang paki alam sa nararamdaman namin subalit mukhang kailangan ko nga ng makakausap ngayon.
“Nagkita lang kami nung taong hindi ko inaasahang makita.”
Sabay kagat ng aking pang ibabang labi sapagkat naalala kong muli ang gabi kung saan nahuli ko sa akto si Tokyo at ang babae kung hindi ako nag kakamali ay ang artistang si Elize Iñivera. Ayoko ng umiyak. Tama na. Hindi ko na maibabalik pa ang dati kahit pa tumbasan ko ng luha ang tubig sa Pacific Ocean.
“Ah. Ex mo ba 'yan?”
“Hindi ko alam.”
“Ba't hindi mo alam? Huwag mo sabihing may boyfrien
