Alexandria :
Nakauwi na sila at pumasok na sa kanilang silid. Tama nga ang iniisip niya. Mistulang hangin na naman siya sa paningin ni Rodrigo. Dinadaan-daanan na naman siya nito… Ipinasya na lamang niya na maligo. Tinatamad man ay pumasok na lamang siya ng banyo. Tutal ay hindi naman siya nito nakikita. Mas okay na mag-iwasan na lamang sila. Mga ilan oras siyang nasa banyo na wala lang. Gusto lang niya na roon manatili. Nagbabad siya sa bath tub. Ewan kung ano na ang sumunod na nangyari. Pagyugyug sa katawan niya ang nagpagising sa kanya.
"Alex! Alex!" dinig niyang tinig bago siya nagmulat ng kanyang mga mata.
Nang nagmulat siya ng mata ay patuloy na nagsasalita si Rodrigo pero nakatingin lamang siya rito at hindi sumasagot. Hindi niya alam kung panaginip lamang ang lahat. At tama ba a
