"Paanong?" wika niya rito pero ipinasya niyang hindi na ituloy ang iba pang nais niyang sabihin. Sa mga achievements nito at galing ay hindi nga malayong mabili nito ang lupa dahil sa sariling pagsusumikap.
"Baba muna tayo rito," sagot nito at nauna na itong bumaba. Pagkuwan ay inalalayan na siya nito pagkatapos. Magkahawak ang kamay na naglakad sila papunta sa kubo na nasa gilid ng batis. Pumasok sila at naupo.
"Nang matapos ako sa pag-aaral ay agad akong lumipat sa mas malaking kumpanya," pagkuwan ay simula nito sa kwento. "Swerteng natanggap naman," pagpapatuloy nito habang minamasdan ang batis at ang kapaligiran. "Nagsimula rin ako sa mababang posisyon at mababang sweldo. Hanggang sa ma-promote at lumaki ang sahod. Nag-ipon. Kaya heto. Nabili ko ito…" nakangiting wika nito sa kanya.
