Franchesca
Kinabukasan, masaya akong bumangon dahil sa wakas may ilang araw akong makakapagpahinga bago maghanda sa darating na licensure exam. Nagpatanghali ako ng gising tutal naman ay wala naman akong gagawin. Susulitin kong nandito lang ako sa bahay. Tumingin ako sa relos, mag a alas nuebe na ng umaga. Tanghali na pero ok lang, dito lang ako sa bahay at tutulungan ko si nanay sa gawaing bahay. Tumayo ako at humarap sa salamin. Nagtanggal ng muta at inayos ang aking buhok saka lumabas ng kwarto. Pagbukas ko ng pinto, nakarinig ako ng nagkakagulo. "Ano yun?" saka dali dali akong pumunta sa sala ng mabungaran ko ang dahilan ng pagkakagulo.
Tumingin sa akin si Nanay saka ako sinalubong "Anak, gising kana pala, may bisita tayo anak naku sigurado akong matutuwa ka. Sabay naming tinungo ang
