ROWENNA SANDOVAL
Nakayakap ako kay Teq at nakaangkas sa pinapaandar niyang motorsiklo. Ngayon na ang simula ng pagpasok ko sa company ni Ronald pero 'yong utak ko ay parang lumilipad pa rin hanggang ngayon. Hindi ko nga alam kung lutang lang ako o ano e.
Nakatulog naman ako ng maayos kahapon pero parang lutang pa rin ako dahil habang lumalapit ang oras na parating na ko sa company ni Ronald, mas lalong bumibilis ang t***k ng puso ko dahil sa kaba.
"Teq, ano ba ulit ang ginagawa sa loob ng company?"
Kanina pa ko tanong nang tanong kay Teq pero parang wala siyang gana na sagutin ako. Galit yata sa akin 'to dahil sa nangyari kahapon kaya hindi ko tuloy maiwasan mapasimangot. Hindi ko naman intensiyon na masaktan siya ni Keith nang dahil sa 'kin.
Kinakausap naman ako ni Teq pero kapag
