“KUYA, PAPUNTA NA ako riyan,” sabi ko mula sa linya.
“Hey! Bakit ka pa lumabas!? Alam mo namang delikado pa ngayon! Ang tigas talaga ng ulo mo,” inis na sagot ni Kuya.
Napalingon ako kay Tito Arquil at napangiti na lang siya. Wala naman akong takot na lumabas ng bahay dahil kasama ko si Tito at ang mga pulis. Pinaggitnaan lang naman ng mga pulis ang sasakyan namin. Maliban sa mga pulis may mga security rin kami ng pamilya nila Cheska. Mas naintindihan ko pa lalo kung bakit hindi talaga lumaban si Dad. Grabe iyong koneksiyon nila.
Nagpaalam na rin ako kay Atlas na aalis kami ni Tito. Ang sabi namin sa kanya ay pupunta lang kami sa presinto para sa bagong impormasyon na nakuha mula ng mga pulis. Naniwala naman siya kaya hinayaan niya kaming umalis.
Pinaintindi rin namin sa kanya na wal
