“THAT’S GREAT! CONGRATULATIONS, Sir, Ma’am!” sabi ng pulis na kausap mula sa linya ang mga kasamahan niya.
Nang marinig ko ang sinabi ni pulis, agad kong iminulat ang mga mata ko. Napayakap naman ako kay Tito Arquil. Labis lang ang saya ko na nagtagumpay sila sa mission nila na damputin ang tatlong kriminal.
Sa pagkakataong ito, isasama namin sila papunta sa kung saan ang main hideout ni Carlos. Malaki ang tiwala namin sa mga pulis na napasunod nila ang mga ito.
“Sana ito na iyon, Tito,” sabi ko.
Hinihimas ni Tito ang likuran ko. “May awa ang Diyos, Amira. Maliligtas din natin ang Daddy. Magiging malaya na rin kayo.”
Hindi na ako sumagot at hinayaan na lang ang mga luha sa mga mata ko na tumulo. Masaya lang ako na naayon sa amin ang nangyari. Wala pa man kami roon sa dulo, pero han
