HAPON pa sana ang flight ni Dashrielle pabalik ng Pilipinas. Pero pinili niyang i-reschedule iyon ng mas maaga. Bukod kasi sa miss na miss na niya ang asawa, may pakiramdam rin siya na hindi maganda ang pakiramdam nito. Simula nang lumipad siya papunta ng Singapore ay madalas na dinadaing nito na nahihilo ito. Nag-aalala na siya sa asawa. Kagabi nga ay hindi na niya natawagan ito dahil maaga itong nagpaalam sa kanya para matulog.
Hindi na pinaalam ni Dashrielle ang pag-uwi niya ng maaga. Baka kasi mag-abala pa si Kaia at sunduin siya sa airport. Nagtaxi na lang siya papunta sa bahay. Nasa kama pa si Kaia nang dumating siya. Hindi rin maganda ang itsura ng mukha nito. Namumutla ito.
Napakunot ang noo ang asawa nang makita siya. "Bakit nandito ka na?"
Lumapit si Dashrielle sa asawa. Hinal
