NABAWASAN ang alalahanin ni Kaia nang bisitahin nila ni Dashrielle ang Daddy niya. Ibinalita niya rito ang tungkol sa kalagayan niya. Kahit galing sa chemotheraphy at kalimitan ay nanghihina ito pagkatapos noon, ngayon ay biglang lumakas at sumigla ito.
"Naku, nangyari na nga ang pinakahihintay ko. Nagkaroon na ako ng inspirasyon para ipagpagpatuloy pa ang buhay ko." Hinawakan at hinalikan ng Daddy niya ang pipis pang tiyan niya. "Bilisan mo na lumaki, ha? Gustong-gusto ka ng makita ni Lolo."
"At ni Mommy." Dugtong ni Kaia, nakangiti.
"Lalong-lalo naman si Daddy." Tuwang-tuwa at proud na wika ni Dashrielle.
Tumingin ang Daddy ni Kaia kay Dashrielle. "So may happily ever after na kayo ng anak ko?"
"We are happy." Inakbayan siya ng asawa. "And what we have is very special."
"Mukhang in
