"ANO'NG nangyari sa 'yo?" bungad na tanong kay Coleen ni Trevor. Sa gulat nga niya'y tumapon pa ang bote ng betadine na nakapatong sa maliit na mesa, hanggang sa umabot iyon sa kulay puting carpet sa sahig.
Tarantan niyang naipunas doon ang panyong ibinigay ni Thomas kanina na kaagad din naman niyang pinagsisihan. Paano't puting-puti pa iyon kanina ngunit ngayo'y punung-puno na ng samu't saring mantsa.
"Anak ka ng kabute kahit kailan!" Sinimangutan niya ito dahil tulad ng dati ay hindi man lang ito nag-abalang kumatok man lang. Talagang gagawin nito anuman ang gustuhin.
Tuluyan na itong pumasok sa loob ng kaniyang kwarto at saka isinara ang pinto, hindi alintana ang paghihimutok niya. Nakapamulsa itong naglakad palapit sa kaniya saka mariing tiningnan ang sugat niya.
"Anyare diyan? Kat
