"GUSTO mo akong sumama sa 'yo?" Kumunot ang noo ni Coleen sa imbitasyon ni Thomas sa kaniya. "P-pero bakit ako? Pwede mo naman isama 'yung kapatid mo. For sure, mas matutuwa pa ang isang 'yon."
Sumimsim muna sa kapeng nasa harap nito si Thomas bago muling nag-angat ng tingin sa kaniya. Ilang beses na ba niyang sinubukang basahin ang emosyon sa mata nito? Pero nananatili siyang bigo. Tila isang puzzle kasi ang lalaki na kay hirap buuin dahil hindi niya alam kung saan magsisimula.
"Elaine will be gone for three weeks so I have no one to go with me." Umayos ito ng pagkakaupo at saka ipinatong ang pinagdikit nitong kamay sa ibabaw ng mesa. "Dodoblehin ko ang sahod mo kung kinakailangan—"
"Ito lang ba ang dahilan kung bakit nakipagkita ka sa akin ngayon?" awat niya sa sinasabi nito sabay tay
