Ellion Jase
Ilang araw na rin ang nakalipas nang mag-usap kami ni Mama dahil nga kay Kathrina. Si Kathrina ay ka-edad ko. Maganda naman siya, maputi pero aminado ako na mas maganda pa rin syempre si Aurie sa mata ko.
Napagdesisyunan ko na bigyan ng chance itong sarili ko na makilala si Kathrina dahil ang kulit ni Mama sa akin. Isang beses lang. Pagkatapos noon ay tapos na. Pagbibigyan ko lang talaga si Mama para tumigil na.
"Oh, magpa-pogi ka roon ah. Anak ng kaibigan ko iyon kaya dapat ay galingan mo. Unang kita niyo pa lang, dapat kayo na agad!" asar ni Mama sa akin. Natawa siya sa akin.
"Mama, tama ka dyan! Kailangan na talaga ni Kuya ng girlfriend. Tumatanda na eh, baka mamaya eh tumandang binata iyan. Naku, patay tayo kapag ganoon ang nangyari!" pang-aasar pa ni Minnie sa akin. S
