Pagkauwi na pagkauwi ni Cedie at Reann mula sa pagamutan, agad nilang hinanap ang Amang Hari at Inang Reyna para ibalita sa kanila ang kanilang nalaman.
" Buntis si Reyna Reann, Amang Hari, Inang Reyna! " masayang pagbabahagi ni Cedie sa kanyang mga magulang.
Gulat na gulat ang Amang Hari at Inang Reyna dahil sa sinabi ni Cedie.
" Talaga? Paano kayo nakakasigurado na buntis siya? " tanong ni Inang Reyna kay Cedie.
" Galing kaming dalawa ni Reyna Reann sa Pagamutan dahil masama ang pakiramdam niya at doon ay nalaman namin na nagdadalang-tao siya! " masayang sagot ni cedie sa tanong ng kanyang ina.
Mabilis na niyakap ni Inang Reyna si Reann na kinagulat niya.
" Hindi mo lang alam kung gaano mo kami napasaya, Reann! ? May magiging apo na kami ni Jacob! May aalagaan na kaming apo! "
