CHAPTER 65
Si Heine ang nagbukas ng pintuan. Siya na rin ang nagpapasok. Hindi sila nag-usap alam ko.
“Hi, I’m Jenny.” Inilahad niya ang kamay niya. Masaya ang kanyang pagkakangiti.
“Kashmine po.”
“Girl friend of Heine, right?”
“Yes po.”
“Okey, gusto mo raw akong makausap? May gusto ka bang malaman o itanong?”
Huminga ako ng malalim. Hindi ko alam kung paano ako magsisimula sa pagtatanong. Para kasing sa ginawa palang niyang pagtawag ni Heine kay Jenny at iharap ito sa akin ay tuluyan na akong naniwalang wala ngang namagitan sa kanila ngunit tinutulak pa rin ako ng pride ko. Napasubo na kaya kailangan na lang harapin. Isa pa, gusto ko rin naman kasi talagang malaman ang totoo.
“Alam ko ang tungkol sa inyo ni Heine. May problema ka ba sa akin o sa amin? Pinag-aawayan ba ninyo ako?”
