CHAPTER 72
Kinabukasan ay nagkausap kami ng bagong abogado ni Nanang na ayaw sabihin kung sino ang nagbayad sa serbisyo niya. Kilala siyang abogado sa Pilipinas at alam kong kahit hindi niya aaminin, batid kong ang ama ko ang tumulong sa amin. Ang ama ko ang nagbabayad sa kanya.
“Ano ba talaga ang totoong nangyari nang gabing iyon?” tanong sa akin ng abogado.
Huminga ako ng malalim. Hindi ko alam kung kaya kong balikan ang nakaraan pero kailangan para mas malinaw na maintindihan ng abogado ang lahat at mas madali sa kanya na ipagtanggol si Nanang. Sinimulan ko ang kuwento ko mula sa pagnanakaw ni Tatang sa mga alahas na ibinigay sa akin ni Bryan hanggang sa pagsipa ko sa kanya na ikinamatay nito. Nagtiwala ako sa abogado namin na kaya niyang ilusot kaya wala akong inilihim. Inamin ko an
