CHAPTER 95
Ngunit hindi kami sa dambana tumutungo. Inaakay ako ni Heine palapit kay Bryan. Si Bryan man ay halatang nabibigla. Ako ay naguguluhan. Anong gustong gawin ni Heine?
“Insan, patawarin mo ako kung naging makasarili ako. Kung inuna kong inisip ang pagmamahal ko kay Kashmine bago ang pagmamahalan ninyo. Sinubukan ko rin namang iwasan. Sinubukan kong labanan ng ilang taon ngunit wala e, sa tuwing binabantayan ko siya para sa’yo lalo ko siyang minahal. Tao lang din ako insan, hindi ko ginagamit ang aking kahinaan para pagtakpan ang mali kong nagawa, ngunit nagmahal ako ng totoo. Minahal ko siya ng buong puso kaya inuunako ang sarili ko. Mula bata tayo alam mong lahat ng gusto mo, ibinibigay ko. Kahit anong laruan na meron ako at naibigan mo, ibinibigay ko. Kahit ano pa iyan noon ba
