Chapter 71
NARINIG niya ang malakas na buhos ng ulan sa labas. Paligsahan sa pag-iingay ang mga kuliglig at kung ano-ano pang hayop na panggabi pero sumasabay sa mga iyon ang t***k ng puso niya. Heto at hindi siya mapakali habang payapa naman sa pagtulog si Vince. Ano ba ang nangyayari sa kaniya? At bakit siya naririto gayong ang dapat lamang naman niyang gawin ay ang ipaalam kay Vince na hinahanap ito ni Lolo Vito? Bakit naibang bigla ang takbo ng isip niya nang makita si Issa? Nagseselos ba siya rito? Bumiling siya. Ah, hindi niya matanggap ang dahilan ng lahat. Ang bawat kilos at nadarama niya ay tumutukoy lang sa isang katotohanang hindi niya kayang tanggapin. Mahal pa rin niya si Vince sa kabila ng alam niyang hindi naman siya mahalaga rito nang higit pa sa pagiging isang kaibigan. O maging iy
- Writer
