Palihim na sumulyap si Charie kay Hisoka nang huminto ang elevator na kinalululanan nila sa rooftop. Ano bang panghalina ang mayroon ito at kanina pa ayaw bumalik sa normal na bilis ang pagtibok ng puso niya? Kahit mahigit treinta minutos na niya itong paulit-ulit sinusulyapan kanina sa sasakyan, hindi pa rin nababawasan kahit katiting man lang ang nakaliliyong epekto ng kagwapuhan nito sa mga mata niya.
Paglabas nila ng elevator ay agad silang sinalubong ng dalawang lalaki. At base sa pagsasalita ng mga ito nang batiin si Hisoka at magalang na yumukod sa binata, parehong Japanese din ang mga ito bagamat mukhang mga Filipino ito.
“Akala ko ba may kukunin ka?” usisa niya dito nang igiya siya nito palapit sa helicopter na nasa helipad na naroon.
“Mayroon nga
