Bilang tugon ay tipid na tumango lang ito.
“Charie? Mga kaibigan mo ba sila?” kunot-noong usisa ni Manong Banong na tinignan nang may pagsususpetsa si Hisoka at ang dalawang bodyguards nito.
“Um, oho, Manong. Magdi-dinner lang ho kami ni Hisoka. Pwede na ho kayong umuwi. Ay, yung bag ko nga po pala, paki-iwan na lang kay Rhys sa loob. Alam niya kung saan ‘yung tutuluyan kong bahay. Salamat po,” sagot niya sa driver.
Saka mabilis na ipinakilala na rin niya ito kay Hisoka. Hindi kasi nabura ang pag-aalala sa anyo nito sa kabila ng pagkumpirma niyang kilala niya si Hisoka. At sa tipid na pagtangong ibinigay ni Hisoka dito, kahit paano ay nabawasan ang tatlong taong gulang nang hinanakit niya dito. Obviously iyon lang talaga ang reaksyong ibinibigay nito sa lahat ng mga bagong kakilala nit
