Kalalabas lang ng Tawamoto comedy bar si Charie at kasalukuyan nang naglalakad patungo sa pinagparadahan ni Manong Banong ng taxi nito nang biglang hablutin ng isang lalaki ang braso niya.
Gulat na napalingon siya. Noong una akala niya ay isa iyon sa mga dating kabanda niya. Mga kabandang pinilit siya ni Mother Violy na iwan niya nang kunin siya nito at pasikatin bilang ang bagong singing sensation na si Charie Veil two years ago.
Pero nang mariing pisilin ng may hawak sa kanya ang braso niya, agad niyang nahinuhang hindi iyon isa kina Rhys, Allen o Mik-mik. Hinding-hindi siya pisikal na sasaktan ng tatlong binatang kasabay niyang lumaki sa bahay ampunan na pinanggalingan nilang apat. Bunsong kapatid na babae ang turing ng mga ito sa kanya.
“Sino---“
Iglap ang pagragasa
