Tila hindi malaman kung anong magiging reaksyon sa ginawa niya. Dagdag na patunay na hindi talaga ito sanay na may kumokontra dito.
“Okay. Bukas kakantahan kita. O kaya mas maganda, bakit hindi tayo mag-bonfire sa tabing-dagat? Jamming tayo. Marunong ka bang mag-gitara?”
“No. But I would love to learn how if you’ll teach me.”
“Talaga? Sige, sige, gusto ko iyan. Um, pwede mo rin ba akong turuan?”
“Ng?”
“Lumangoy. Tuwing nakikita ko iyong pool mo sa ibaba at iyong dagat, gustong-gusto kong lumusong kaso natatakot akong malunod eh.”
Bumakas sa mukha nito ang inis sa sarili. Malakas na tinampal pa nito ang noo.
“Bloody hell! Of course! Nalimutan ko. Nabanggit mo na nga pala sa akin noon na hindi ka marunong lumangoy. Alright, I’ll teach you how
