PAGDATING NAMIN sa bahay ay binuhat ako ni Marcus paakyat sa silid ko. Tinawag niya si Angie at kung may kung anong inutos. Mayamaya pa ay may kausap na si Marcus gamit ang kanyang mobile phone. Marahan akong humiga sa kama saka hinila ang kumot at itinakip sa katawan ko. Ramdam ko pa rin ang takot ngunit bahagya ng nabawasan iyon dahil malayo na ako sa lugar kung saan hinarang at dinakip ako ng mga lalaking, hayop!
Hindi ako maarteng babae pero ramdam ko ang ‘di magandang intensiyon na nais nilang gawin sa akin. Paano na lang k-kung—di dumating si Marcus? Ano na kaya ang nangyari sa akin?
Napapitlag ako nang may biglang dumapo na kung ano sa balikat ko. Si Angie. Bakas sa mukha ang labis niyang pag-aalala. “Madam, magbihis na po kayo, tutulungan ko po kayo,”
“S-si Marcus?” tanong ko na
