BUO NA ang loob ko. Bago ako natulog ay inayos ko ang mga gamit ko. Hindi ko na kaya pang tagalan ang paghihigpit na ginagawa sa akin nina Mama at Papa. Gusto ko silang unawain ngunit hindi ko kayang isipin na hinayaan lang nila sa labas si Marcus sa buong magdamag.
Nagising ako kinabukasan na masakit ang ulo. Marahil dahil hindi ako nakatulog ng maayos nang nagdaang gabi. Bumangon na ako saka tinungo ang banyo. Dali-dali akong naligo saka nagbihis. Dala ang isang malaking bag ay lumabas na ako ng silid ko at dumiretso ng sala. Buo na ang pasya ko.
Malapit na ako sa pinto nang malakas akong tawagin ni Manang Pacing. Pinigilan kong lumingon. Hindi ko gustong mahaluan pa ng ibang suhestiyon o opinyon ang desisyon ko.
“Zoie, iha!”
Hinawakan ko na ang seradura ng pinto ngunit ‘di ko tul
