"Kumusta kayo diyan, nay? Komportable ba kayo?"
"Oo, anak," tugon ni nanay sa kabilang linya. "Pakisabi kay Sir Lucas, maraming salamat, ha?"
Sinulyapan ko si Lucas na katabi ko lang sa sofa. Nakasalampak siya ng upo, nakabuka pa ang mga tuhod. Ugali niya talaga yung umupo na akala niya kanya lahat ng space.
"Opo, nay. Sige ho, magpahinga na kayo. Bukas, susunduin kayo ng driver ni Lucas para ihatid sa airport."
"Oo. Siyanga pala, anak. Ano ba ang nangyari? Nasaan nga pala si Rizlan? Bakit si Lucas ang kasama mo?"
Hindi kaagad ako nakasagot. Nakagat ko pa ang ibabang labi ko nang maalala na naman ang nangyari kanina.
"M-may kaunting problema lang ho. Sige na po. Ba-bye na."
"Ok, Sige. Mag-iingat ka riyan. Kung ano man ang problema ninyo ni Rizlan, daanin niyo lang sa mahinahong u
