"Thank you, Lucas. Habang-buhay kong tatanawing utang na loob ang lahat ng ginawa mong pagtulong sa amin."
"Pakasalan mo 'ko para makabayad ka."
Sinamaan ko ng tingin si Lucas. Tinawanan naman niya ako sabay gulo sa buhok ko.
"Biro lang, ang seryoso mo naman. Alam kong hindi pwede."
Alam kong biro lang iyon. Nasanay na rin ako. Nakakaasar lang minsan kasi sobrang seryoso niyang magsalita.
Inakbayan niya ako at sabay naming sinalubong ang liwanag ng pasikat na araw.
Isang linggo akong nanatili sa puder niya, hinintay ang paggaling ng aking mga pasa. Nang magdesisyon akong umuwi ay nag-presinta siya na ihatid ako hanggang dito sa Isla namin, para masigurong maayos at ligtas akong makakarating.
Kahapon lang kami dumating. Sa isang resort siya tumutuloy at mananatili rito ng tatlong a
