Naalimpungatan si Ulysses nang makarinig nang sunod-sunod na katok. Agad siyang bumangon para buksan iyon. Tanaw niya ang liwanag mula sa bintana. Umaga na pala.
Napatingin siya sa kama.
Wala na ang katabi. Totoo kayang magkasama sila ni Dianne kagabi? Baka naman panaginip niya lang.
"Akin na ang susi," sabi ni Marco.
Nahihiyang kinuha ni Ulysses ang keycard sa center table, "Sorry, nakatulog ako. Paano pala kayo nakapasok?"
"May tao naman. Tsaka madaling araw na rin kaming nakauwi," sagot ni Marco.
Natigilan si Ulysses. Anong oras kaya umalis si Dianne?
"Alas nuebe practice natin ha?" paalala ni Marco.
Tumango si Ulysses.
Napatingin siya sa orasan. Alas syete pa lang.
"Marc."
Napalingon si Marco nang tawagin niya.
"May number ka ba ni Dianne?" hindi nakatiis na tanong niya. Na
