"ARE YOU sure, Mom and Dad? I'm going to have a sibling?!" masayang nagsisiguradong tanong ng siyam na taong gulang na si Duke sa mga magulang. Birthday niya ngayon at ayon sa mga magulang ay may malaking regalo raw ang mga ito sa kanya. Kung ang sinabi ng magulang na magkakaroon na siya ng kapatid ang regalo, iyon na ang pinakamagandang nakuha niya.
Simula nang magkaisip ay wish na ni Duke na magkaroon ng kapatid. Panganay at nag-iisang anak siya ni Pierro at Dolly Jacques. Parehong nag-iisang anak lang ang magulang niya kaya wala siyang mga pinsan. Wala siyang kalaro sa malaking bahay nila sa Paris, France kung saan sila nakabase.
Alam ni Duke na matagal na rin naman na sinusubukan ng kanyang mga magulang na gawin ang kanyang hiling. Nakikita rin kasi ng mga ito ang kalungk
