Melissa's POV
To: Estella
Es, kumusta na? Nakauwi na ba kayo ng Pilipinas? Noong isang araw pa 'no? Ikaw ah, hindi ka na nagpaparamdam sa'min baka may ginagawa na kayong kababalaghan diyan ni Justin. By the way na'san ka na? Ngayon na ang unang aras ng pagtuturo natin at excited na akong turuan ang mga bagets. Kita kits tayo doon.
Suminghap ako't muling pinasadahan ng tingin ang hitsura ko sa malaking salamin na nasa kuwarto ko. Umikot ako ng isang beses at napangiti. Nakailang text na ba ako sa kaniya ngayong linggo? Kahapon naka anim akong text sa kaniya. Hindi kasi nagpaparamdam, siyempre nakaka-kaba naman dahil wala man lang siyang text na pinadaan sa aming lahat.
Lumabas na lang ako ng kuwarto ko at nakasukbit ang shoulder bag ko na naglalaman ng notebook at ballpen lang naman.
