Hindi pumasok ng Altieri Construction si Ruthanya dahil masama ang pakiramdam niya. Pagmulat niya kaninang bandang alas kuwatro ng madaling araw ay mabigat na mabigat ang kanyang katawan at ayaw niyang gumalaw. Hinila niya lang ang kumot hanggang leeg at muling natulog matapos isiksik ang sarili sa mainit na katawan ng katabi niyang si Luther.
Paggising ni Luther ay kinapa agad siya nito at gumuhit ang magaang ngiti sa mga labi ng lalaki nang madama ang katawan niya. Tuwing umaga ay ganoon palagi ang una nitong ginagawa. Sinisiguro nitong nasa tabi pa siya nito. “Good morning.” Yumapos ang braso nito sa kanyang baywang at dinampian ng halik ang kanya sentido.
“Good morning,” mahina niyang tugon na ikinabahala nito. Hindi pa man nito naitatanong kung masama ang pakiramdam niya ay nauna na
