TROY & FREYAH
NASA tambayan si Troy, walang kalaro sa billiards kaya tinawagan niya si Levi. Habang hinihintay ito, naglakad siya papunta sa counter.
“Pare, one shot of tequila,” aniya sa bartender.
“Copy. Wala ka yatang kasama ngayon?” tanong nito habang nagbubuhos ng alak sa shot glass.
“On the way si Levi. Kumusta dito? Narinig ko, nagkaroon daw ng gulo kamakailan.”
Tumango ang bartender. “Oo, bagong grupo raw ang pumasok dito, tapos gumawa ng eksena. Buti na lang at agad naawat. Nandito kasi noon sina Pareng Ruins.”
“I see… taga saan naman yung grupo na ‘yon?”
“Hindi sinabi, pero sa palagay ni Pareng Luther, mga bagong salta na gustong gumawa ng pangalan.”
Bago pa siya makasagot, bahagyang kumindat ang bartender. “Pareng Troy, tingnan mo ‘yung kararating.”
Bahagyang sinulyapa
